शिक्षण परिषद

अंधश्रद्धा निर्मूलन कार्यक्रम

*भुत, भानामती, करनी मूठ*
*विज्ञान सांगते सब है झुठ*

आज दि.24/07/2017 रोजी *जि.प.प्रा.शाळा धामणगांव व न्यू हायस्कूल धामणगाव*  येथे *श्रीम.भोईर मॅडम* यांच्या सौजन्याने *आर्क्ट्री.सुधीर धुमाळ(कार्यवाहक अंधश्रद्धा निर्मुलन समिती नाशिक)* यांचे इ.5वी ते 10 वी च्या विद्यार्थ्यांसाठी अंधश्रद्धा निर्मुलन व वैज्ञानिक दृष्टीकोन यावर सप्रयोग  व्याख्यान झाले.
सदर कार्यक्रमात अंगात येणे, भूताने झपाटने, भूत काढणे, लिम्बातून करणी काढणे ,नाराळातून वस्तू काढणे .पाण्याचा दिवा पेटवणे, आत्मशक्तिने वस्तू ओळखने ,अंगात आल्यावर जळता कापुर खाणे ,नाद्ब्रह्म प्रयोग ,इन्द्रियजन्य भास ,गोड़बाबा प्रयोग, लोट्यातून अखंड तीर्थ काढणे ,कलश त्रिशूलने उचलणे, लिम्बु लाल होणे,मानसिक आजार, व वैज्ञानिक दृष्टीकोन यांचे चमत्कार सादर करून त्यामागील विज्ञान मुलांना समजावून सांगितले  व मूलांचे शंकानिरसन केले.मुलांना पर्यावरणपूरक वैज्ञानिक दृष्टीकोन कसा अंगिकारावा याबद्दल माहिती दिली.
कार्यक्रम यशस्वीतेसाठी श्री  पिंजारी सर, श्रीम.शिंदे एस एस,श्रीम.शेलार व्ही एम, श्रीम. भोईर एम बी, श्रीम. जानराव एन एम, श्रीम. चव्हाण आर व्ही ,श्रीम. गायकवाड  एस बी,तसेच श्री. वाबळे सर व सर्व शिक्षकवृंद यांचे सहकार्य लाभले

एकच ध्यास........तंत्रज्ञानातून विकास

शिक्षकांनी समजुन घ्यावे नविन बदली धोरण..

मुळसेवा 10 वर्ष पुर्णं असणारा प्रत्येक शिक्षक बदली पात्र...विशेष सुट 1 प्रमाणे बदली नको असल्यास घोषणापत्र द्यावे....विशेष सुट 2 प्रमाणे पती पत्नी 30 कि.मी.बाहेर असतील तर 30 मधील 20 शाळा मागा.मनाप्रमाणे शाळा न मिळाल्यास उपलब्ध शाळा घ्यावी लागेल....
30 च्या आत आहेत व बदलीपात्र यादीत नाव आहे तर 30 च्या आतील ईतर 20 विकल्प द्यावे लागतील...

अवघड क्षेत्रात 3 वर्ष सेवा असणारा परंतु मुळ सेवा 10 वर्ष नसेल तरीही तो बदली मागु शकतो....अशावेळी त्याची बदली अनिवार्य नाही कारण मुळ सेवा 10 पुर्णं नाही..20 शाळेतुन त्याला शाळा न मिळाल्यास त्याला बदली नाकारता येईल...

अवघड क्षेत्रात 3 वर्ष सेवा व मुळसेवा 10 वर्ष असणारा शिक्षक 20 विकल्प मागेल...त्यातुन त्याला शाळा न मिळाल्यास उपलब्ध शाळा घ्यावीच लागेल....बदली अनिवार्य.

सोपे क्षेत्रात मुळ सेवा 10 असणारा प्रत्येक जण बदली पात्र....बदली पात्र यादीत नाव असेल तर (जिल्हा सेवा जेष्ठ) 20 विकल्प शाळा द्याव्या. शाळा न मिळाल्यास उपलब्ध पैकी शाळा घ्यावीच लागेल...बदली अनिवार्य.

सोपे क्षेत्र मुळ सेवा 10 वर्ष पुर्णं पण बदली पात्र यादीत नाव नाही...तो विनंती बदली मागु शकतो.20 विकल्प द्या.मनाप्रमाणे न मिळाल्यास उपलब्ध शाळा मागा.तरीही न मिळाल्यास बदली नाकारता येईल.पुर्वीप्रमाणे विनंती बदली.

विनंती बदली सोपे क्षेत्र 10 वर्ष मुळ सेवा.
विनंती बदली अवघड क्षेत्र 3 वर्ष मुळ सेवा.

अनिवार्य बदली सोपे क्षेत्र 10 वर्ष मुळसेवा पण बदली पात्र यादीत नाव असावे.अनिवार्य बदली अवघड क्षेत्र 10 वर्ष मुळ सेवा व 3 वर्ष अवघड सेवा...

तालुका ठिकाणापासुन ठरावीक अंतराबाहेरील शाळा अवघड तर आतील शाळा सोपे क्षेत्र...

वरील प्रमाणेच पदवीधर मुख्याध्यापक व केंद्रप्रमुख बदल्या होतील...

10 वर्ष एकुण सेवा असणारा (सेवेत आल्या पासुन) प्रत्येक शिक्षक बदली पात्र...

क्रम...

विशेष शिक्षक 1 बदल्या

विशेष शिक्षक २ बदल्या

अवघड क्षेत्र(अनिवार्य बदल्या)

सोपे क्षेत्र(अनिवार्य बदल्या)

व शेवटी सोपे क्षेत्र विनंती बदल्या.

बदली होणेसाठी बदली पात्र यादीत नाव असणे गरजेचे...

नाव नसेल तर अवघड किंवा सोपे क्षेत्रातुन विनंती बदली मागु शकता...पण एकुण सेवा सोपे क्षेत्र 10 तर अवघड क्षेत्र 3 वर्ष पुर्णं असावी.

तालुका किंवा एका शाळेतील सेवेचा बदलीसाठी संबंध नाही.एकुण सेवा हाच निकष.






*जिल्हाअंतर्गत बदली संबंधी महत्वाचे*

*सर्वसाधारण क्षेत्र*:-
1 ) तालुका मुख्यालयापासून 25km  अंतरावरच्या गावांतील  सर्व शाळा.

*अवघड क्षेत्र*:-

1 ) तालुका मुख्यालयापासून          25km पेक्षा दूर अंतरावरच्या गावातील सर्व शाळा.

2 )तालुका मुख्यालयापासून 20km  अंतरावरच्या गावातील शाळा पण तालुका/जिल्हा /राज्य मार्गापासून  5km  पेक्षा जास्त आत ग्राम रस्त्याने जोडणा-या  गावातील
सर्व शाळा.

3)अध्ययन अध्यापनास बोली भाषेमुळे अडचण येत असलेल्या गावातील शाळा पण तालुका मुख्यालयापासून 10km दूर अंतरावरच्या गावातील सर्व शाळा.
उदा.तांडा,इतर भाषिक समाजाच्या वाडी,वस्तीच्या शाळा. 

4) तालुका मुख्यालयापासून 10km दूर अंतरावरच्या परंतू वाहतूकीची कोणतीही सोय नसलेल्या जेथे फक्त वैयक्तिक वाहनाने जावे लागतेआशा गावातील शाळा.

5)डोंगरी भागातील तालुका मुख्यालयापासून15km दूर अंतरावरच्या गावातील सर्व शाळा.

यू ट्यूब चॅनल तयार करणे

जागतिक महिला दिन

महिला दिन विशेष....सावित्रीच्या लेकीनी उचलला शिक्षणातलं तंत्रविश्व व्यापक करण्याचा विडा

येवल्यातील सहा प्राथमिक शिक्षिकां अध्यापनात देताय डिजिटल योगदान



संतोष विंचू / सकाळ वृत्तसेवा

येवला,ता. ७ : नारी जातीची थोरवी या दुनियेने गायिली,अनेक रूपे तुझीच ही याच दुनियेने पहिली या निव्वळ गाण्याच्या ओळीच नाही तर तमाम महिलांची हि थोरवी आपण सर्वांनीच अनुभवली आहे. तालुक्यातील गावाकडची अनेक चिल्ले-पिल्ले विध्यार्थी अन त्यांना ज्ञानाची शिदोरी देणारे गुरुजी व मॅडमही सक्रियतेने योगदान देणाऱ्या अश्याच पाच सवित्रींच्या लेकिंच्या आगळ्या-वेगळ्या कार्याचा अनुभव घेत आहे. होय,वेगळ यासाठी कि महिला शिक्षिकांनी शाळेत जावे, अध्यापन करावे अन घर सांभाळावे या त्रिसूत्रीच्या बाहेर पडत या सावित्रीच्या लेकीनी स्वत टेक्नोस्वी होत विध्यार्थ्यासह सहकाऱ्यांना तंत्रसाक्षर बनवण्याचा विडा उचलला आहे.

रामायणात सीता,महाभारतात देवकी,शिवबा घडवणारी माता जिजाबाई,स्वातंत्र्यासाठी प्राण पणाला लाऊन लढलेली झाशीची राणी लक्ष्मिबाई अन स्री शिक्षणाची कवाडे उघडी करणाऱ्या सावित्रीबाई फुले अशी अनेक उदाहरणे आहेत कि जिथे प्रतीकुल परिस्थितीला अनुकूल करण्याचे काम स्त्रियांनी केले आहे. अर्थात हे वाचण्या इतके सोपे नाही तर बरेच कठीण प्रसंग आणि अथक परिश्रम व चिकाटी त्यासाठी असावी लागते. असाच काहीसा प्रत्यय तालुक्यात जिल्हा परिषदेच्या शाळांत अध्यापनाचे काम करणाऱ्या सीमा गायकवाड,आशा पगारे,अनिता शिरोळे,मनिषा सोनवणे,

शीला चव्हाण,सीमा जाधव या शिक्षिकांनी शिक्षण क्षेत्रापुढे ठेवला आहे. आपण का मागे राहवे असा विचार करून सुमारे ४५० शिक्षिकातून या पाच जणी पुढे आल्या असून आता इतरांना प्रक्षीक्षण देऊन त्यांनी तंत्र विश्व व्यापक करण्यासाठी योगदान दिले आहे.

गायकवाड यांनी केली सुरुवात

धामणगांव शाळेतील शिक्षिका सीमा गायकवाड यांनी तालुक्यात पहिला स्वनिर्मित बालमित्र या नावाने युट्यूब चॅनेल व बालमित्र या नावानेच ब्लानिर्मिती करून तंत्रज्ञानाचा अध्यापनात प्रभावी वापर करता हे शिद्ध केले आहे.तंत्रज्ञानाची उपयुक्तता साधनांच्या परिणामकारक वापरावर अवलंबून आहे.म्हणूनच शंभर टक्के वर्ग प्रगत करण्यासाठी दैनंदिन अध्यापनाला तंत्रज्ञानाची सुयोग्य जोड त्यांनी दिली. स्वनिर्मित ऑडियो-विडियो,पीपीटी, विविध शैक्षणिक अप्स,आकर्षक कार्टून्स, थ्रीडी चित्रे,अनिमेशनचा वापर,मोबाइल व लॅपटॉप चा प्रत्यक्ष वापर याद्वारे विद्यार्थ्याना आनंददायी अनुभूती यातून मिळत आहे.इतर शिक्षकांना देखील अध्यापनात याची जोड मिळू लागली आहे.पाटोदा येथील शिक्षिका आशा पगारे तंत्रज्ञान अध्यापनात वापरतांना मोबाइल वर विविध शैक्षणिक वीडियो,पीपीटीच्या माध्यमातुन माहीती देत आहेत.इतर शाळांप्रमाणे आपली शाळा डिजिटल व्हावी यासाठी झटताना त्यांनी लोकसहभागातुंन शाळेसाठी प्रोजेक्टर मिळवला आहे.महिला प्रशिक्षक म्हणून त्या काम करत असून सहकाऱ्यांना ज्ञान देण्याचा अनुभव अतिशय प्रेरणा देणारा असल्याचे त्या सांगतात.

कोटमगाव खुर्द शाळेतील अनिता शिरोळे स्वतः शैक्षणिक पीपीटी तयार करून तसेच कविता डाऊनलोड करून विध्यार्थ्यांना सहजपणे समजेल अश्या भाषेत अध्यापन करतात.याच शाळेतील मनिषा सोनवणे तंत्रज्ञानाचा अध्यापनात वापर करतांना सुरूवातीला मोबाईलचा वापर करून विद्यार्थ्यांना कविता,गाणी ऐकवून कवितांच्या चाली शिकवल्यात.मुलांना शाळेची गोडी लागली.शाळा डिजीटल बनल्यानंतर संगणकातील ई-लर्निंगचा वापर करून शिकविलेल्या भागाचे तसेच अवघड भागाचे दृढीकरण सोपे केले.इमेल,पीपीटी तयार करणे,व्हिडीओ मेकिंगचे तंत्र शिकत असताना तंत्रस्नेही प्रशिक्षक होऊन महिलांना अधिक सक्षम करण्याचा मनोदय त्यांचा आहे

पाटोदा शाळेतील शीला चव्हाण यांना तंत्रज्ञानाची आवड असल्याने मोबाईलचा अध्यापनात वापर करत विविध शैक्षणिक अप्स वापरून मुलांपर्यंत ज्ञानाचे विश्व खुले केले.अध्यापनात तंत्रज्ञानाचा वापर केल्यास गुणवत्तेत वाढ होते म्हणून तंत्रस्नेही होऊन नवनवीन गोष्टी शिकाल्या व शिकवल्याचे त्या अभिमानाने सांगतात.कोटमगाव खुर्द शाळेतील सीमा जाधव यांनी ईलर्निंगचा प्रभावी वापर करून शैक्षणिक डिजीटल चळवळ प्रभावीपणे चालवत आहेत.

प्रोजेक्टरवर मराठी व इंग्रजी व्याकरण, गणिताच्या प्राथमिक संकल्पना प्रभावीपणे शिकवतात तसेच मोबाइलचा अध्यापनात वापर करतात.

तंत्रस्नेही कार्यशाळा येवला

🖥📱🖥📱🖥📱🖥

*तालुका तंत्रस्नेही कार्यशाळा समारोप*
*चला तंत्रस्नेही शिक्षक बनूया...*
*स्मार्ट टिचर बनूया...*

आजच्या  विज्ञान तंत्रज्ञानाच्या युगात मोबाइल कॉम्प्यूटर इंटरनेट या गोष्टी मानवी जीवनाच्या अविभाज्य घटक बनल्या आहेत.आज जे मोबाइल हेंडसेट व्यक्ति वापरतो तो 1969 साली चंद्रयान सोडण्याकरिता वापरण्यात आलेल्या सुपर कॉम्प्यूटर पेक्षा जास्त विकसित आहे.म्हणून आज प्रत्येक शिक्षकाने मोबाइल व कॉम्प्यूटर शिकणे किती गरजेचे बनले आहे हे यावरून लक्षात येते.
सध्याच्या विज्ञान _तंत्रज्ञानाच्या युगात प्राथमिक शाळांनी देखील उत्तुंग झेप घेतल्याचे दिसून येते.आपल्या प्राथमिक शाळा डिजिटलायझेशनच्या स्पर्धेत अव्वल स्थानी रहाव्यात म्हणून तंत्रस्नेही शिक्षक अविरत झटत आहेत.त्याचेच एक द्योतक म्हणून तंत्रस्नेही कार्यशाळांकडे पाहता येईल.विद्या प्राधिकरण नाशिक(डायट) व शिक्षण विभाग पंचायत समिती येवला आयोजित तंत्रस्नेही कार्यशाळेचा समारोप २ मार्च रोजी झाला.दि.27/02/2017 ते 02/03/2017 पर्यंत दोन टप्प्यात सदर कार्यशाळा शासकीय आश्रमशाळा बाभूळगाव ता.येवला जि.नाशिक येथे हसतखेळत पार पडली.कार्यशाळेसाठी एकूण 97 प्रशिक्षणर्थ्यानी आपला सहभाग नोंदवला. 
'एकच ध्यास तंत्रज्ञानातून विकास' या उक्तिस अनुसरून ध्येयवेडा प्रशिक्षणार्थी या प्रशिक्षणात दिसून आला.
तज्ञ मार्गदर्शकांची तळमळ व त्याहून प्रशिक्षणार्थ्यांचा तंत्रज्ञानाप्रति उत्साह ही या कार्यशाळेची वैशिष्ट्ये होती.
या कार्यशाळेस तज्ञ मार्गदर्शक म्हणून 
श्री.गजानन उदार,श्री.राकेश बेडसे,
श्री.शांतीनाथ वाघमोडे,श्रीम.आशा पगारे
श्रीम.सीमा गायकवाड,श्रीम.अनिता शिरोळे,श्रीम.मनीषा सोनवणे,श्रीम.शीला चव्हाण यांनी काम पाहिले
तर तांत्रिक सहकार्य श्री.अशोक रेड्डी,
श्री. मुजावर सर,श्री.कुलकर्णी सर,
श्री.संदेश झरेकर यांचे लाभले.
सदर कार्यशाळेत जी मेल अकाउंट उघडणे, गूगल फॉर्म तयार करणे,गूगल ड्राइव चा वापर,ऑनलाइन टेस्ट तयार करणे,QR कोड तयार करणे व ते रीड करणे,कविता व शैक्षणिक विडियो निर्मिती,पीपीटी निर्मिती, विविध शैक्षणिक apps चा वापर, GIF फाइल,यू टयूब चॅनेल व ब्लॉग क्रिएशन इ.तंत्रज्ञानाशी निगडित गोष्टी शिकविन्यात आल्या.
श्री.खारके साहेबांनी(प्रशिक्षण प्रमुख विद्या प्राधिकरण नाशिक) त्यांचा प्राथमिक शिक्षकापासून ते जेष्ठ अधिव्याख्याता(वर्ग 1) पर्यंतचा प्रेरणादायक प्रवास हसतखेळत सर्वासमोर मांडून प्रशिक्षणाला एक आगळीच रंगत आणली.
तालुक्यातील सर्वच शाळांतुंन डिजिटल शिक्षणाचे वारे वाहू लागले आहे.
आपले सर्व शिक्षक बांधव तंत्रज्ञानाप्रति कृतियुक्त होण्यासाठी नक्कीच प्रयत्न व्हावा व त्याचा उपयोग विद्यार्थ्याना दिशादर्शन व्हावा हिच अपेक्षा

बालमित्र यू टयूब चॅनल विद्यार्थ्यांसाठी खुले

*बालमित्र हे युटयूब चॅनल विद्यार्थ्यांसाठी खुले*

आज जिल्हास्तरीय तंत्रस्नेही कार्यशाळा शासकीय कन्याशाळा नाशिक येथे पार पडली.या कार्यशाळेत *श्रीम.सीमा गायकवाड* सहशिक्षिका धामणगाव ता. येवला  यांच्या *बालमित्र* या शैक्षणिक  यू टयुब चॅनल चे उदघाटन *श्री.सूर्यवंशी साहेब* प्राचार्य विद्या प्राधिकरण नाशिक(डायट) यांच्या हस्ते झाले.प्रसंगी खारके साहेब व जिल्यातील सर्व टेक्नो टिचर्स उपस्थित होते.

सदर शैक्षणिक चॅनेल सादर करणाऱ्या सीमा गायकवाड़ या प्रथम महिला ठरल्या आहेत.

प्रस्तुत चॅनेल मध्ये अनेक कविता, शैक्षनिक पी.पी.टी., शैक्षनिक साहित्य विडियो , गणित विषयासाठी उपयुक्त विडियो आहेत.

चॅनलसाठी शिक्षणाधिकारी श्री.प्रविण अहिरे साहेब, बिडिओ श्री.सुनिल अहिरे साहेब

गशि श्री.संजय कुसाळकर साहेब, लाडे मॅडम व म.का.चव्हाण सर यांनी शुभेच्छा दिल्या.

या चॅनल मध्ये इ.1ली ते 4थी साठी स्वनिर्मित विडीयो असून ते शिक्षक व बालमित्रांसाठी उपयुक्त आहेत.

त्यांच्या या डिजिटल शिक्षणातील भरीव योगदानाबद्दल सर्व शैक्षणिक स्तरांतून कौतुक होत आहे.

*गुगल फॉर्म बनवूया*

*गुगल फॉर्म तयार करणे*
     
     सध्याच्या युगात एखाद्या माहितीचे संकलन
करण्यासाठी गुगल फाॅर्मचा फार उपयोग होतो.
यामुळे माहिती जलदरित्या जमा होवून त्याचे
संकलनही सहजरित्या होईल.

   यासाठी सर्वात महत्त्वाचे म्हणजे आपल्याला
 पाहिजे असलेल्या माहीतीसाठीचा गुगल  फॉर्म तयार करता आला पाहिजे. आज
 आपण याठिकाणी गुगल फॉर्म कशा प्रकारे तयार करायचा हे शिकणार आहोत.


1.   गुगलफॉर्म तयार करण्यासाठी सर्वांत

महत्त्वाचे म्हणजे आपले *G-mail* ला खाते

असले पाहिजे.


2.  युजर आय डी व पासवर्डच्या मदतीने

G- mail खाते *Login*करावे.

          


G- mail अकाउंट उघडल्यानंतर *लाल बाणाने *

हदाखविल्या प्रमाणे *Google Drive*  वर क्लिक

करावे. त्यानंतर खालील इमेज मध्ये

दाखविल्या प्रमाणे Google Drive *ओपन *

होईल.


3. Google Drive ओपन झाल्यानंतर *New*

वर क्लिक करावे . त्यानंतर *More* मधील

Google Form वर क्लिक करावे

        

4.  खालील इमेज मध्ये दाखविल्या प्रमाणे

*Form Tittle* मध्ये फॉर्मचा विषय टाईप करावा.  याठिकाणी पाठयपुस्तकांची मागणी हा विषय

टाईप केला आहे.



5. खालील इमेज मध्ये दाखविल्या प्रमाणे  फॉर्म

 मध्ये आपल्याला पाहिजे असलेल्या मुदद्या

प्रमाणे माहिती *Edit*करावी. इमेज मध्ये बाणाने
 दाखविलेल्या ठिकाणी बदल करावेत. व शेवटी

*Done*वर क्लिक करावे.




6. वरील प्रमाणे इयत्ता 1ली ते  4 थी पर्यंतच्या

 वर्गांची माहिती त्यात भरावी.







      वरील इमेज मध्ये दाखविल्या बाणाने

दाखविलेल्या ठिकाणी बदल करावेत व शेवटी

*Send form*  वर क्लिक करावे.



7. Send Form वर क्लिक केल्यानंतर खालील

विंडो ओपन होईल.* Link to Share*या खाली
 आपल्या गुगल फॉर्मची लिंकची तयार होईल. ती

* Copy*करुन ठेवावी.   त्यानंतर  Done  वर

क्लिक करावे.




8.  त्यानंतर खालील इमेज मध्ये दाखविल्या

प्रमाणे आपला गुगल फॉर्म तयार होईल. त्यात

आपण आपल्याला पाहिजे असणारी माहिती

इतरांकडून भरुन घेवू शकतो. त्यासाठी आपण

Copy केलेली लिंक वेबसाईट, ब्लॉग, व्हॉटस

अप, फेसबुक, ईमेल ने इतरांकडे पाठवू शकतो.
 इतरांकडून माहिती भरुन घेवू शकतो. जमा

झालेली माहिती आपणास संंकलन होवून

Excel फॉरमॅट मध्ये मिळते.



9. खाली दाखविलेल्या Insert Tab चा वापर

करुन आपण आपल्या गुगल फॉर्म आकर्षक

डिझाइन करु शकतो.



           अशा प्रकारे गुगल फॉर्म ने माहीतीगोळा

करुन त्याचे संकलन केल्यास आपले काम जलद

होवून आपले कार्यालयीन बहुतेक कामे पेपरलेस

होतील  व मोठया प्रमाणात कागदाची बचत

होवून पर्यावरणाची हाणी टाळता येईल.

माझी शाळा

Z.P.P.SCHOOL,DHAMANGAON